Verkefnastofa ríkisverkefnis

Fólkið

Fagleg stjórn um þróun virðismatskerfis fyrir störf hjá ríkinu vinnur að öllum þáttum við þróun virðismatskerfis sem samræmist markmiðum um launajafnrétti, gæði opinberrar þjónustu og stefnumiðaðra mannauðsstjórnunar. Í því felst meðal annars afmörkun verkefnisins, skipulag fræðslu og miðlunar, skilgreining á fyrirkomulagi starfagreininga og gerð starfasniða og val matsþátta. Í faglegri stjórn sitja jafnmargir fulltrúar launagreiðenda og heildarsamtaka launafólks. Þau koma fram fyrir hönd íslenska ríkisins, KÍ, ASÍ, BHM og BSRB. Skrifstofa jafnréttismála í dómsmálaráðuneytinu á jafnframt áheyrnarfulltrúa í stjórninni, með málfrelsi og tillögurétt á fundum hennar.

Stýrihópur um virðismat starfa í þágu launajafnréttis hefur það hlutverk að fylgja eftir yfirlýsingum stjórnvalda um gerð heildstæðs virðismatskerfis í þágu launajafnréttis og tryggja að framgangur verkefnisins og afurðir þess séu í samræmi við markmið og ákvæði jafnréttislaga.

Jafnlaunastofa á í samstarfi annars vegar við faglega stjórn og hins vegar stýrihóp. Innan Jafnlaunastofu starfar verkefnastofa ríkisverkefnisins sem vinnur fyrir faglega stjórn að öllum verkþáttum verkefnisins.